ABC (क्राईमबिट)
काठमाडौं । विभिन्न स्थानबाट चोरी भएका २७ वटा मोटरसाइकल महानगरीय ट्राफिक प्रहरी महाशाखाले फेला पारी सम्बन्धित धनिलाई बुझाइएको छ ।

उक्त महाशाखामा विहीबार आयोजित कार्यक्रममा महाशाखाका प्रमुख वरिष्ठ प्रहरी उपरीक्षक जनक भट्टराईले उक्त मोटरसाइकल सम्बन्धित धनिलाई बुझाएका हुन् ।

महाशाखाको पीडित सहायता ईकाइबाट सादा पोसाकमा खटिएको प्रहरीले उपत्यका, उपत्यकाका आसपास, नुवाकोट, धादिङ र मकवानपुरका विभिन्न स्थानहरूबाट चोरी भएका ती मोटरसाइकल विशेष सूचना संकलनमार्फत चेकिङ टोली परिचालन गरी बरामद गरेको हो ।

महाशाखाले यस आर्थिक वर्षमा मात्रै हराएका २ सय ७९ वटा मोटरसाइकल सवारी धनीलाई जिम्मा लगाई सकेको छ भने चोरीमा संलग्न ४१ जना व्यक्तिहरूलाई पक्राउ गरी आवश्यक कारवाही समेत गरिएको उक्त महाशाखाले जनाएको छ ।

चोरी भएको थाहा पाउनसाथ ट्राफिक प्रहरीको हटलाईन १०३ वा अनलाईन सेवा Lost Vehicle Application मा लग ईन गरेर निवेदन दिने व्यवस्था समेत रहेकोले समयमै जानकारी गराउन महाशाखाले अनुरोध गरेको छ ।

सम्बन्धित

दाङको कोइलाबास बजारमा हावाबाट बिजुली उत्पादनको परीक्षण सफल

कर्णालीको चिसापानी पुलबाट हाम फालेर एक किशोर बेपत्ता एक घाइते

पुर्व प्रधानमन्त्री प्रचण्ड पत्नी सिता दाहालको अवस्था अति गम्भीर

नेपालमा गैँडाको सङ्ख्या ७५२ पुग्यो ५ बर्षमा १०७ गैंडा बढेको तथ्यांक

कैलालीको अबरुद्ध राजमार्ग सडक खुल्यो मृतकका आफन्तबीच सहमतिपछि

बाँके प्रहरीले ब्राउन सुगरसहित एकजना पक्राउ