- ABC (क्राईमबिट)
काठमाडौं । राष्ट्रिय प्रहरी प्रशिक्षण प्रतिष्ठान महाराजगञ्जको तत्वावधानमा महानगरीय ट्राफिक प्रहरी महाशाखा रामशाहपथमा २१ औं समूहको ट्राफिक प्रशासन (जु.प्र.अ.) तालिम संचालन भएको छ ।
उक्त तालिमको सोही महाशाखाका प्रमुख वरिष्ठ प्रहरी उपरीक्षक जनक भट्टराईले बिहीबार आयोजित एक कार्यक्रमबीच उद्घाटन गरेका छन् । सो अवसरमा प्रहरी वरिष्ठ उपरीक्षक भट्टराईले प्रशिक्षार्थीहरूले उत्सुक भई अधिकतम व्यावसायिक ज्ञान सीप सिकेर दक्ष ट्राफिक प्रहरी बन्नुपर्ने बताए । 
तालिम संयोजक प्रहरी नायव उपरीक्षक सुगन्ध श्रेष्ठले तालिम सम्बन्धी प्रतिवेदन प्रस्तुत गर्दै ३५ दिन कार्यावधि रहेको उक्त तालिममा प्रहरी नायव निरीक्षक ८ जना र प्रहरी सहायक निरीक्षक ३२ जना गरी जम्मा ४० जना प्रशिक्षार्थीहरुको सहभागिता रहेको जानकारी दिए ।
