ABC Sanchar
काठमाडौं । कर्णाली प्रदेशका मुख्यमन्त्री महेन्द्रबहादुर शाही अस्पताल भर्ना भएका छन् ।
उच्च रक्तचापको समस्याबाट पीडित शाही शनिबार संघीय राजधानी काठमाडौंको धुम्बाराहीस्थित ह्याम्स अस्पताल भर्ना भएका हुन् ।
नेपाल कम्युनिस्ट पार्टी (नेकपा)को प्रचण्ड-नेपाल समूहमा रहेका शाही पार्टीको कामले संघीय राजधानी काठमाडौं आएका थिए ।
काठमाडौं आएका बेला स्वास्थ्यमा समस्या देखिए पछि उनी अस्पताल भर्ना भएका हुन् ।
शाहीका प्रमुख स्वकीय सचिव कृष्णप्रसाद आचार्यले अहिले उनको स्वास्थ्यमा सुधार आइसकेको जानकारी दिए ।
