ABC Sanchar
दाङ । सर्वाेच्च अदालतको फैसलापछि उत्साहित बनेको नेकपा ओली समूहका कार्यकर्ताले लुम्बिनि प्रदेशका मुख्यमन्त्री शंकर पोखरेलको गृह जिल्ला दाङमा नेकपा एमालेको कार्यालय स्थापना गरेका छन् । 
सर्वाेच्च अदालतले नेकपा एमाले र नेकपा माओवादी केन्द्र ब्युँताइदिएपछि सोमबार नेकपा ओलि समुहकि केन्द्रिय सदस्य मेनका पोखरेल र सो समुहका जिल्ला अध्यक्ष हुकुम बस्नेतको उपस्थितिमा ओली समूहका कार्यकर्ताले नेपाल कम्युनिस्ट पार्टी (नेकपा) को बोर्ड हटाएर नेकपा एमालेको दाङ जिल्ला कार्यालय लेखिएको बोर्ड राखेका हुन् । नेकपा ओलि समुह लुम्बिनि प्रदेश कमिटि सदस्य, जिल्ला सदस्य तथा एमाले र केही माओबादी नेता, कार्यकर्ताको खुसियालीमा पार्टी कार्यालमा दिप प्रज्वलन गर्नुका साथै सै पनि एमाले, मै पनि एमाले गित बजाएर नाचगान गरेका थिए । त्यसक्रममा नेकपा एमाले जिन्दाबाद, केपि ओलि जिन्दाबाद भन्दै नाराबाजी गरेका थिए । कार्यक्रमको सहजिकरण ओलि समुहका जिल्ला सचिब मनोहर बुढाथोकिले गरेका थिए ।
घोराही १५ भरतपुरमा नेपाल कम्युनिष्ट पार्टी (नेकपा) को जिल्ला कार्यालय थियो । नेकपा विभाजनपछि सो कार्यालयमा ओली समूह र प्रचण्ड-माधब नेपाल समुहले गतिविधि गर्दै आएको थियो ।
सर्वाेच्चको फैसलापछि सोमबार नेकपाको बोर्ड हटाएर एमाले बोर्ड राखिएको नेकपा ओलि समुह लुम्बिनि प्रदेश कमिटि सदस्य बलिभद्र रानाले जानकारी दिए ।
