१९ फाल्गुण २०८०, शनिबार
02-03-2024 , Sat
×

एउटै जिल्लाका ५ सीडियो निजामती सेवाको दुर्लभ संयोग जारी

Logo
प्रकाशित मंगलबार, फाल्गुण २५, २०७७

 

ABC Sanchar
काठमाडौं । नेपाल सरकारका केही प्रमुख जिल्ला अधिकारीहरु,जो एकै जिल्लाका हुन् र जसले कमाण्ड गरिरहेका छन् देशकै विभिन्न ५ जिल्ला । नेपालको निजामती प्रशासनमा स्याङ्जा, गुल्मी, झापा, विराटनगर, पाल्पालगाएतको वर्चस्व रहँदै आएको भएपनि एकै जिल्लाबाट,एकै पटक सहसचिव र उपसचिवको नेतृत्व रहने प्रमुख जिल्ला अधिकारी बन्नु,नेतृत्व गर्नुलाई भने संयोग नै मान्नुपर्छ ।

निजामती कर्मचारी वृत्तमा कहिलेकाहिँ यस्तै रमाइला संयोगहरु देखा पर्दछन् ।जस्तो यस अघि एकै जिल्लाको एउटै विद्यालयमा पढेका ५ जना एकै पटक सचिव बनेर मुलुकको कर्मचारी प्रशासन चलाए ।यस्तो विरलै देखिने संयोगको यसपटक दैलेख जिल्लाबाट रेकर्ड ब्रेक भएको छ ।
अहिले स्थिती यस्तो छ कि सोही जिल्लाका ५ व्यक्तिले विभिन्न जिल्लाको प्रमुख जिल्ला अधिकारीका रुपमा कमाण्ड गर्दैछन् । दैलेख जिल्लामै जन्मिएर,हुर्किएका गोविन्द रिजाल,सन्तबहादुर सुनार,खगेन्द्रप्रसाद रिजाल,कृष्णप्रसाद आचार्य र हरिबहादुर प्याकुरेल प्रमुख जिल्ला अधिकारीको रुपमा देशका ५ वटा जिल्लाको कमाण्ड गरिरहेका छन् ।

सोही जिल्लाका गोविन्दप्रसाद रिजाल मकवानपुरले मकवानपुर जिल्ला कमाण्ड गरिरहेका छन् । त्यो सह सचिवको दरबन्दी भएको ठाउँ हो । उनले प्रमुख जिल्ला अधिकारीका रूपमा गत कार्तिक ३ गतेदेखि सो जिल्ला सम्हालिरहेका छन् । यस्तै सरकारले गत फागुन दोश्रो साता एकै पटक गृहका ५१ कर्मचारीहरुको सरुवा गर्यो । जस्मा सहसचिव सन्तबहादुर सुनार बर्दिया जिल्लाको प्रमुख जिल्ला अधिकारी बन्न पुगे । उनले १९ फागुनदेखि सो जिल्लाको कमाण्ड गरिरहेका छन् । यस अघि उनी आफ्नै गृह जिल्लाको प्रमुख जिल्ला अधिकारी भएर काम गरेका थिए । उनी दैलेखकै नारायण नपा २, दैलेखनारायण नगरपालिका,स्थायी बासिन्दा हुन् । उनी सात मंसिरदेखि नै सो जिल्ला कमाण्ड गरिरहेका छन् । यस्तै हालै मात्र खगेन्द्रप्रसाद रिजाल कैलाली जिल्लाको प्रमुख जिल्ला अधिकारीको रुपमा खटाइका छन् । उनी जिल्लामा हाजिर भइसकेका छैनन् । यता कालिकोट जिल्लाको कमाण्डरका रुपमा कृष्णप्रसाद आचार्य खटिएका छन् । दुल्लु नगरपालिका, दैलेखका स्थायी बासिन्दा उनी उपसचिव तहमा कार्यरत छन् । आफ्नै गृहजिल्ला कमाण्ड गर्ने जिम्मेवारी पाएका छन् हरि प्याकुरेलले ।

यस अघि एकै जिल्लाको एउटै विद्यालयमा पढेका ५ विद्यार्थीहरु सचिव बनेर प्रशासन संयन्त्र चलाएका थिए दिनेशकुमार थपलिया,प्रेम राई,राजीव गौतम,ईश्वर नेपाल र दिनेश घिमिरेहरुले । जो संखुवासभाको एउटै विद्यालयका विद्यार्थी ।जसमध्ये दिनेश थपलिया,प्रेमकुमार राई,दिनेश घिमिरे,ईश्वर नेपालहरु अहिले पनि सरकारी ओहदामा बाहल छन् । हाल निर्वाचन आयोगको नेतृत्व गरिरहेका प्रमुख आयुक्त दिनेश थपलिया, गृह मन्त्रालयबाट अवकाश पाएर अहिले अख्तियारको प्रमुख आयुक्त रहेका प्रेम कुमार राई , हाल महालेखा परीक्षकको कार्यालयका उपमहालेखा परीक्षक ईश्वर नेपाल र हाल ऊर्जा, जलश्रोत तथा सिँचाई मन्त्रालयका सचिव दिनेश कुमार घिमिरेदेखि एउटै विद्यालयका विद्यार्थीहरू हुन् । यि सबैले सङ्खुवासभा जिल्लाको हिमालय माध्यमिक विद्यालय खाँदवारीमा पढेका हुन् ।सोही जिल्लाकै सुरेश अधिकारी अख्तियार दुरुपयोग अनुसन्धान आयोग हुँदै अहिले निर्वाचन आयोगको सचिवको जिम्मेवारीमा छन् ।

तर एकै जिल्लाका ५ जना कर्मचारीले ५ जिल्लाको प्रमुख जिल्ला अधिकारी बनेर नेतृत्व लिएको भने सम्भवत यो पहिलो पटक हुनुपर्दछ ।रासस

कमेन्ट गर्नुहोस्
सम्बन्धित

(एबिसि संचार )                                                         झापाको मेचीनगर नगरपालिका–६ स्थित शत्तिघट्टामा सशस्त्र प्रहरी र स्थानीयबिच झडप भएको छ । नेपाल भारत सिमानामा बिओपी शक्तिघट्टाबाट खटिएको टोलीले भन्सार छलिको सामान नियन्त्रणमा लिएपछि […]

(एबिसि संचार )                                                     जिल्लाको चौरपाटी गाउपालिका–१ कि करिब ४२ वर्षीया सरु साउदको घाँस काट्ने क्रममा घटनास्थलमै मृत्यु भएको हो। मृतक साउदका पाँच छोरी र एक छोरा छन्।मृतक सरुको शव पोस्टमार्टमपछि […]

(एबिसि संचार )                                                 काठमाडौंको टोखामा एक युवाले आत्मदाहको प्रयास गरेका छन् । प्रहरीका अनुसार नुवाकोटका २० वर्षीय एक युवाले टोखाको जंगलमा आफ्नै शरीमा पेट्रोल छर्केर आत्मदाहको प्रयास गरेका हुन् ।उनी हाल काठमाडौंस्थित […]