ABC Sanchar
काठमाडौं । राष्ट्रपति विद्यादेवी भण्डारीले छिमेकी मुलुक बंगलादेशको भ्रमण गर्ने भएकी छन् । भण्डारीले चैत ९ र १० गते बंगलादेश भ्रमण गर्ने मिति तय भएको राष्ट्रपति निवास स्रोतले जानकारी दिएको छ ।

बंगलादेश स्वतन्त्र भएको स्वर्णजयन्तीको अवसरमा आयोजना हुने विशेष कार्यक्रममा सहभागी हुन राष्ट्रपति भण्डारी त्यसतर्फ जान लागेकी हुन् । भ्रमणका क्रममा राष्ट्रपति भण्डारीले त्यहाँका राष्ट्रपति अब्दुल हमिद र प्रधानमन्त्री शेख हसिना वाजेदसँग औपचारिक भेट गर्ने छिन् । । गत वर्ष नै राष्ट्रपति भण्डारीको बंगलादेश भ्रमण हुने भनिए पनि कोरोना संक्रमणका कारण भ्रमण रोकिएको थियो ।

बंगलादेश सरकारले बंगलादेशका संस्थापक शेख मुजिबबुर रहमानको शतवार्षिकी जन्मजयन्ती र बंगलादेश स्वतन्त्रताको स्वर्ण जयन्ती चैत ४ देखि १३ गतेसम्म मनाउने गरी १० दिने कार्यक्रम सार्वजनिक गरेको छ ।रासस

सम्बन्धित

नेपालमा पेट्रोल र डिजेलको अभाव पछी विद्युतीय सवारी साधनमा बढ्दै

सशस्त्र प्रहरीको १०३ जना निरीक्षकहरुको आपतकालीन तालिम सञ्चालन

नेपाल प्रहरी श्रीमती संघको ३८औं वार्षिकोत्सवको अवसरमा रक्तदान

रोजगारीको इजरायलले १ हजार नेपाली कामदारहरु लैजाने

बर्दिया राष्ट्रिय निकुञ्जमा जंगली जनावरको शिकार गर्ने १ जना पक्राउ

चलचित्र बिकास बोर्डको अध्यक्ष भुवन केसी विरुद्धको रिटमा आज सुनुवाइ हुँदै