प्रकशित मिति : २७ जेष्ठ २०७५, आईतवार १०:००

राघवेन्द्र चौबे (पकडी )कपिलवस्तु २६ मुस्लिम समाज कपिलवस्तु सरकारले आफ्नो चाडपर्वमा बिदा कटौती गरेकोमा आपत्ति जनाउँदै प्रधानमन्त्रीलाई र मुख्यमन्त्रीको ध्यानाकर्षण पत्र पठाएको छ । मुस्लिम समाज कपिलवस्तुले प्रमुख जिल्ला अधिकारीमार्फत प्रधानमन्त्री सहित मुख्यमन्त्री लाई ज्ञापन पत्र पठाएको हो
नेपाली नागरिकको अथक प्रयास र बलिदानबाट मुलुकमा प्रजातन्त्र, लोकतन्त्र स्थापना भएपनि पछिल्लो समय धार्मिक अधिकारबाट मुस्लिम समुदायलाई वञ्चित गरिएको उनीहरुको गुनासो छ ।
मुस्लिम समुदायले मनाउँदै आएको मुख्य चाड इद र बकर इदमा कम्तीमा पनि एकदिन सार्वजनिक बिदा दिनुपर्ने मुस्लिम समाज कपिलवस्तुका अगुवा रौफ मुसलमानले जोडदार माग गरेको हुन ।
समाजले पठाएको ज्ञापन पत्रमा मुस्लिमको मुख्य चाडपर्वमा बिदा दिनुपर्ने मागसँगै सविधानले व्यवस्था गरेबमोजिम राज्यका सवै निकायमा समानुपातिक समावेशी गर्नुपर्ने, मुस्लिम आयोगलाई क्रियाशील बनाउनुपर्ने, मुस्लिम समुदायमा पठनपाठन हुँदै आएको र हाल सरकारद्वारा रोकिएको मदरसा शिक्षालाई तत्काल फुकुवा गरी अनुदान उपलब्ध गराउनु पर्ने लगायतका माग रहेका छन् ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

9847845918

Copyright © 2015-2020 AbcSanchar.com