ABC (क्राईमबिट)
सल्यान । जिल्ला प्रहरी कार्यालय सल्यानका प्रहरी प्रवक्ता प्रहरी निरीक्षक लक्ष्मण ओली सम्मानित भएका छन् ।
गतवर्षको फागुन २ गते राती ह’त्या गरिएकी त्रिवेणी गाउँपालिका १ तल्लोकाभ्रा निवासी १६ वर्षीया कविता बोहराको ह’त्यारा पत्ता लगाएकाे भन्दै इनिस्पेक्टर ओली सम्मानित भएका हुन् ।
मंगलबार घटनाको सार्वजनिक गर्न गरिएको पत्रकार सम्मेलनमा जिल्ला प्रहरी कार्यालय सल्यानका प्रमुख डिएसपी गाेविन्द थापाले ओलीलाई सम्मान गरेका हुन् । सम्मान ग्रहण गर्दै ओलीले ढिलो चाँडो एकदिन अपराधी प्रहरीको नजरबाट उम्कीन नसक्ने बताए ।
एकवर्षसम्म इनिस्पेक्टर ओलीकाे नेतृत्वमा प्रहरीले अनुसन्धान गरेकाे थियाे । अनुसन्धानमा कविताकाे हत्या सोहि गाउँका १६ वर्षिय कृष्ण थापाले गरेको खुलेको छ । आरोपीत १८ वर्षमुनिको भएकोले जिल्ला अदालत सल्यानको अनुमतीमा बाल सुधार केन्द्र नेपालगंज राखिएको सल्यान प्रहरी प्रमुख डिएसपी गोविन्द थापाले बताए ।
कवितालाई थापाले एकतर्फी प्रेम गरेको र प्रेम स्वीकार नगरेपछि हत्या गरेको आरोपीतले स्वीकारेकाे प्रहरी अनुसन्धानमा खुलेकाे छ ।
