१२ साउन २०८२, सोमबार
28-07-2025 , Mon
×

चितवन मेडिकल कलेजमा पहिलो पटक सफल कलेजो प्रत्यारोपण

Logo
प्रकाशित बिहिबार, चैत्र १२, २०७७

(राकेश श्रेष्ठ) चितवन । भरतपुर महानगरपालिका १० की ५४ वर्षीया धनकुमारी लामाको कलेजो प्रत्यारोपण सफल भएको कलेजले बिहीबार पत्रकार सम्मेलनमार्फत जानकारी गराएको छ ।

लामाकी ३४ वर्षीया छारी उषा तामाङले आमालाई कलेजो दिएकी थिइन् । छोरी उषाको कलेजोमा कुनै पनि असर नपर्ने गरी आवश्यक कलेजोको भाग निकालेर आमाको कलेजोमा प्रत्यारोपण गरिएको शल्यक्रियामा सहभागी चिकित्सकले बताए ।

आमा धनकुमारीको कलेजो पूर्णरुपमा काम नलाग्ने भइसकेको चिकित्सकहरू बताउँछन् । धनकुमारीलाई ‘क्रोनिक लिभर डिजिज’ भएको थियो ।

हाल कलेजो प्राप्त गर्ने आमा र कलेजो दान गर्ने छोरी दुवैको स्वास्थ्य अवस्था सामान्य रहेको कलेजले जानकारी दिएको छ ।

कलेजका विशेषज्ञ चिकित्सकहरू डा. सञ्जय यादव, डा. एकानन्द सिंह, डा. किरण अधिकारी, डा.वरुण श्रेष्ठ, डा. सागर पौडेल, डा. नवीन यादव, डा. सुरेश गौतम, डा. विज्ञान पौडेल, स्टाफ नर्स अन्जु थापा, श्रुति यादव र सलिना तिवारी, सुमी कार्की, अस्मिता थापा, पुष्पा थापामगर, बायोमेडिकल इन्जिनियर प्रकाश खतिवडा, एपोलो अस्पतालका डा. निरज गोयल, डा. अरुणकुमार, डा. सञ्जीव अनिजालगायतको टिमले गत चैत्र ८ गते १२ घण्टा लगाएर सफल प्रत्यारोपण गरेको हो ।

प्रत्यारोपणका लागि कलेजमा ४ सर्जन, ३ क्रिटिकल केयर, ३ एनेस्थेसियोलोजिष्ट, १० जना विशेष तालिमप्राप्त नर्सहरू छन् ।

यसअघि त्रिवि शिक्षण अस्पतालमा पाँच जना र मानव अङ्ग प्रत्यारोपण केन्द्रमा दुई जनामा कलेजो प्रत्यारोपण गरिएको छ ।

नेपालमा २०७३ मङ्सिर २२ गते मानव अङ्ग प्रत्यारोपण केन्द्र भक्तपुरमा बलराम नागाको पहिलो पटक कलेजो प्रत्यारोपण सफलतापूर्वक गरिएको थियो ।
पछिल्लो पटक गत फागुन ३० गते त्रिवि शिक्षण अस्पतालमा ११ महिने शिशुमा सफल कलेजो प्रत्यारोपण गरिएको थियो ।

कमेन्ट गर्नुहोस्
सम्बन्धित

सुनसरी । इटहरीका एक युवकको धरानस्थित तीनकुने प्रहरी चौकीमा हिरासतमै भएको मृत्युलाई मृतकको परिवारले भने हत्या भएको दाबी गरेको छ । चेकजाँचको क्रममा प्रहरीको निर्घात कुटपिटबाट २० वर्षीय युवराज निरौलाको ज्यान गएको भन्दै परिवारले घटनाको निष्पक्ष छानबिन नभएसम्म शव नबुझ्ने अडान लिएको छ । सुनसरीका प्रहरी प्रमुख प्रहरी उपरीक्षक सुमनकुमार तिम्सिनाले भने लागुऔषधको ओभर डोज […]

काठमाडौं । पक्राउ पर्नेमा दोलखाको सैलुङ गाउँपालिका-२ का २८ वर्षीय राजु लामा छन् । उनलाई प्रहरी वृत्त नयाँ बानेश्वरबाट खटिएको टोलीले पक्राउ गरेको हो । उनले आफू काठमाडौँ महानगरपालिकाको फोहरमैलाको कर्मचारी भएको बताउँदै १३ लाख २५ हजार रुपैयाँ उठाएको पाइएको प्रहरीले बताएको छ । उनी नक्कली कर्मचारी रहेको खुलेको छ । उनीबाट विभिन्न रसिदहरू समेत […]

काठमाडौं । राजनीतिक कार्यक्रमका क्रममा देशका विभिन्न स्थानमा पुग्नुपर्ने कारण देखाइ पूर्वप्रधानमन्त्री नेपालले वारेस राख्ने अनुमति मागेर विशेष अदालतमा निवेदन दिएका थिए । विशेष अदालतका सदस्यहरू तेजनारायण सिंह राई र मुरारीबाबु श्रेष्ठको इजलासले वारेश राख्ने सुविधा दिन अस्वीकार गरेको हो । कुनै व्यक्तिले निश्चित कामका लागि आफ्नो अधिकार दिई खटाएको व्यक्तिलाई वारेश भनिन्छ । अदालतमा […]

error: Content is protected !!