ABC (क्राईमबिट) दाङ । घोराहीमा शिकार खेल्न गएका दूई मध्य एक जनाको गोली लागेर मृत्यु भएको छ । घोराही उपमहानगरपालिका वडा नं. १३ का ५० बर्षीय टेकबहादुर गुरुङको गोली लागेर घटनास्थलमै मृत्यु भएको छ ।
जिल्ला प्रहरी कार्यालय दाङका प्रहरी प्रमुख एसपी गणेश चन्दले घटना वडा नं. १२ को जंगल क्षेत्रमा शुक्रवार राति भएको जानकारी दिए ।
घटनास्थल पुग्न तीन÷चार घन्टा जति पैदल हिड्नु पर्ने तथा उक्त स्थानमा फोन सम्पर्क समेत राम्रो संग हुन नसक्ने हुँदा घटनाबारे थप बिवरणहरु आउन बाँकी रहेको एसपी चन्दले बताए ।
प्रहरीले गोली चलाउने व्यक्तिलाई प्रहरी पहिचान गरि नियन्त्रणमा लिइ सकेको एसपी चन्दले जानकारी दिए । गोली चलाउने व्यक्तिको नाम भने प्रहरीले सार्वजनिक गरेको छैन ।
यसैबीच भरुवा बन्दुकको गोली लागेर मृन्यु भएका गुरुङको शव पोष्ट मार्टमको लागि राप्ती स्वास्थ्य विज्ञान प्रतिष्ठानमा ल्याउने तयारी भइरहेको एसपी चन्दले बताए । घटनाबारे थप अनुसन्धान भइ रहेको एसपी चंन्दले जानकारी दिए ।
