(सागर थापा)
कपिलवस्तु । होली पर्वमा सार्वजनिक कार्यक्रम नगर्न जिल्ला प्रहरी कार्यालय कपिलवस्तुले सम्पूर्ण जिल्ला बासीमा आग्रह गरेको छ । आफ्नो घर–परिवारमा मात्रै होली खेल्न आग्रह गर्दै कपिलवस्तु प्रहरीले होलीको नाममा कुनैपनि सार्वजनिक कार्यक्रम आयोजना नगर्न आग्रह गरेको छ । 
चैत १६ मा तराईका जिल्लामा होली मनाईदै छ । घरको छत, बरन्डा र झ्यालबाट जबर्जस्ती पिच्कारी र लोला हानेमा कानुनी कारवाही गरिने जिल्ला प्रहरी कार्यालय कपिलवस्तुका प्रहरी प्रमुख एसपी नवराज अधिकारीले बताए ।
सडकमा हिँडेका मानिसलाई इच्छा विपरित अवीर नदल्न प्रहरीले आग्रह गरेको छ । जिल्ला प्रहरी कार्यालय कपिलवस्तुले एक विज्ञप्ति सूचना मार्फत भनेको छ । ‘कोरोना संक्रमण बढ्नेतर्फ सचेत रहँदै नागरिकको जिम्मेवारी नभुलौँ एसपी अधिकारीले सम्पूर्ण कपिलवस्तु बासीलाई अनुरोध गरेका छ्न ।’
