(महेन्द्र सिंह)
बाँके । चैत १६ गते पर्न गएको खुशियाली एवं रङ साटासाटको पर्व फागु पुर्णिमा अर्थात होली पर्वको अवसरमा जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाले कार्यालयमा कार्यरत प्रहरी कर्मचारी लगायत हिरासत कक्षमा रहेका थुनुवाहरुसंग अबिर लागाई शुभकामना आदन प्रदान गर्नु भएको छ ।
सो अवसरमा बाँके प्रहरी प्रमुख एसपी रानाले जिल्ला प्रहरी कार्यालय बाँकेमा कार्यरत प्रहरी कर्चारीहरुलाई उज्जवल भविष्यको कामना सहित उच्च मनोबलका साथ डिउटीमा खटिन निर्देशन दिनुभएको थियो । 
साथै बाँके एसपी रानाले हिरासत कक्ष भित्र रहेका थुनुवाहरुलाई अविर लगाउदै एकता र भाईचाराको पर्वको रुपमा मनाईने होली पर्व आपसी सद्भाव र मेलमिलाप कायम राख्नका लागी मनाईने भन्दै शुभकामना दिनु भएको थियो ।
