(तेज वली)
दाङ। तुलसीपुर उपमहानगरपालिका १२ मा रहेको टरिगाउँ एयरपोर्टमा ईन्धन डिपोको कार्यालय निर्माणको प्रक्रिया अघि बढेको छ । बार्षिक जग्गा लिज नविकरण गर्ने सहमतिमा नेपाल आयल निगमले बार्षिक एक लाख ६९ हजार ३१५ रूपैयाँमा जग्गा भाडामा लिएर इन्धन डिपो निर्माण गर्न थालिएको हो ।
विमानस्थलको ५ कठ्ठा जग्गा निगमलाई उपलब्ध गराईएको हो । नेपाल आयल निगम लिमिटेड ईन्धनडिपो कार्यालय तुलसीपुरका प्रमुख विपिनकुमार श्रेष्ठका अनुसार निर्माणको प्रक्रियाअघि बढेको छ । अहिले त्यही जग्गा छुट्याएर रूखहरू काट्नको लागि तुलसीपुर उपमहानगरपालिकसंग समन्वय भइरहेको छ ।
ईन्धन डिपो स्थापनाको लागि केही दिन अघि प्राविधिक सहितको केन्द्रीय टोली दाङ आएर जग्गाको लोकेशन हेरेको थियो । टोलीले जग्गाको लोकेशन हरेर लिजमा लिएको जग्गा छुट्याई रूखहरू काट्न आग्रह गरेको प्रमुख श्रेष्ठले बताउनुभयो ।.
