ABC (क्राईमबिट) घोराही । आफुमाथि सामुहिक बलात्कार भएको उल्लेख गर्दै प्रहरीमा उजुरी गरेकी युबतिले अदालतमा गएर बयान फेरेपछी उल्टै कैदमा परेकि छिन । घोराहीका तिनजना युबाहरुले आफुहरुमाथी सामुहिक बलात्कार गरेको भन्दै गत असोज ९ गते जिल्ला प्रहरी कार्यालयमा उजुरी दिएका एक बालिका र युबतिले मुद्धा अदालतमा पुगेपछि फागुन ४ गतेको बकपत्रमा बलात्कार नभइ उनिहरुलाई दुख दिन उजुरि हालेको उल्लेख गरेपछि दाङ देउखुरी जिल्ला अदालतका जिल्ला न्यायधिश रितेन्द्र थापाको इजलाशले बयान फेर्नेलाई उल्टै कैद गर्ने फैसला गरेको हो । चैत २३ गते बसेको न्यायाधीश थापाको इजलाशले झुट्टा मुद्धा हालेर अदालतको समय बर्बाद गर्ने र राज्यको जनशक्ति र स्रोतमा क्षती पुर्याएको ठहर गर्दै नाबालिग भएकाले बालिकालाइ छाेडिएको र जाहेरवाली अर्कि युबतीलाई भने एक महिना कैद र ती युबतिबाटै बलात्कारको आरोप लागेका तिनजना युबाहरुलाई क्षतिपुर्तिस्वरुप जनहि २५-२५ हजार उपलब्ध गराउन फैसला गरेको जिल्ला अदालतका स्रेस्तेदार धनसिंह गिरिले जानकारी दिए ।
