राम बहादुर बिश्वकर्मा
प्युठान / प्युठानको बिजुवारमा दालमोट बनाउने तालिम सम्पन्न भएको छ । प्युठान नगरपालिका वडा न ४ को सहयोग तथा ग्रामिण आर्थिक बिकास मन्च खलंगाको आयोजनामा तालिम संचालन गरिएको हो । ५ दिन सम्म संचालन गरिएको तालिमको आइतवार एक कार्यक्रम गरि समापन गरिएको हो । समापन कार्यक्रममा बोल्दै प्युठान नगरपालिका ४ का वडअध्यक्ष लक्ष्मी प्रकाश राजभण्डारीले गुणस्तर सहितको बस्तु उत्पादन गर्न आग्रह गर्नुभयो । तालिममा सिकेको सिपलाई प्रयोगमा ल्याउन सहभागीलाई आग्रह गर्दै वडा कार्यालयले हरेक बस्तिमा जिविकोपार्जनका विभिन्न कार्यक्रमहरु ल्याईरहेको उहाले बताउनुभयो ।
तालिमको औचित्य माथि प्रकाश पार्दै ग्रामिण आर्थिक विकास मञ्चका कार्यक्रम संयोजक रन्जना श्रेष्ठले सिप बिकास तालिमले ब्यक्तिलाई सबल र आत्मनिर्भर बनाउने बताउनुभयो । उपभोक्ताको माग अनुसारको तालीम सन्चालन गरिएको उहाको भनाई छ ।
त्यस्तै पहिले उद्यम के हो , उद्यम कसरी गर्ने भन्ने बारे थाह नपाएकी रेशमा कार्कीले तालिममा सहभागी भएपछि उद्दमशिलता बिकास तालिमबाट दालमोट बनाउन जानेको भन्दै अब यहि उद्योग सन्चालन गर्ने बताउनुभयो ।
तालिम समापन कार्यक्रमको सन्चालन उद्यम बिकास सहजकर्ता शारदा बि.क ले गर्नुभएको थियो।वडा बासीलाई सिप बिकास तालिम प्रदान गरि आत्मनिर्भर र स्वरोजगारी बनाउने उद्देश्यले तालिम संचालन गरिएको बताईएको छ ।
