ABC (क्राईमबिट) दाङ । जिल्ला प्रहरी कार्यालय दाङले ५ जना जुवाडे लाई पक्राउ गरेको छ । पक्राउ पर्नेमा घोराही उपमहानगरपालिका १५ का २७ बर्षिय खगेन्द्र सापकोटा, ४३ बर्षका झुपक केसी, घोराही १४ का ४३ बर्षिय बालाराम खड्का, २४ बर्षका मरिजमान खड्का र ३४ बर्षिय चन्द्र बुढा रहेका छन् ।
घोराही उपमहानगरपालिका १५ बालमन्दिर टोल स्थित झुपल केसीको घरमा जुवा खेलिरहेको गोप्य सुचनाको आधारमा जिल्ला प्रहरी कार्यालय दाङबाट खटिएको टोलीले पक्राउ गरेको दाङका प्रहरी प्रबक्ता डिएसपी मुकुन्द रिजालले जानकारी दिनुभयो ।
उनिहरुको साथबाट १ हजारको नोट १५० थान, १ लाख ५० हजार, ५ सयको नोट ६० थान, ३० हजार, बिभिन्न रकम उल्लेख भएका बिभिन्न बैङको चेकहरु ७ थान, जुवा खेल्न प्रयोग भएको गलैचा १ थान र खेल्न प्रगोग गरिएको तासको गडडी ३ थान बरामद गरेको प्रहरीले जनाएको छ ।
