०४ बैशाख २०८१, मंगलबार
16-04-2024 , Tue
×

बाँके प्रहरीको शरणमा २६ वर्षपछी  भारतबाट भक्तबहादुर पुगेपछि

Logo
प्रकाशित बुधबार, बैशाख ०८, २०७८

(महेन्द्र प्रताप  सिंह)
बाँके । बाँके प्रहरीको शरणमा ३३ वर्षको उमेरमा पूर्वी बीरगञ्जबाट मजदुरी गर्न  भारत पुगेका भक्तबहादुर तामाङ नाम बताउने एक पुरुष अहिले जिल्ला प्रहरी कार्यालय बाँकेको शरणमा आइपुगेका छन् ।

आफ्नो घर तथा परिवार पत्ता लगाउन नसकेका उनी प्रहरीको सहयोगमा आफन्त फेला पर्ने आशमा छन् ।

२०५१ सालमा बीरगञ्जको जितपुरबाट भारतमा मजदुरी गर्न  हिँडेका भक्तबहादुर यो बीचमा एकपटक पनि घर आएनन् ।

जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाका अनुसार उनी भारतको किन्चर भन्ने स्थानमा अलपत्र भेटिएपछि  त्यहाँका नेपालीहरुले उनलाई उद्धार गरी मंगलबार बाँके  जिल्ला प्रहरी कार्यालयमा ल्याएर बुझाएका हुन् ।

जितपुर घर बताएका उनले बर्दियाको दमौली भन्ने ठाउँमा दाजुभाइ तथा आफन्त रहेको प्रहरीसमक्ष बताएका थिए । सोहीअनुसार प्रहरीले उनका आफन्तको खोजी गरेको र उनीहरुसँग सम्पर्क भएको बताइएको छ ।

भारतमा रहँदा उनले ११ वर्षसम्म सडक मजदुरी गरे । त्यसपछि किन्चर टोल कै जितराम भन्ने व्यक्तिको घरमा १५  वर्षसम्म उनी घरेलु कामदारका रुपमा रहे ।

पछिल्लो समय मानसिक सन्तुलन गुमाएका उनलाई जितरामले घरबाट निकालेपछि बेखर्ची भएर अलपत्र अवस्थामा पुगेको र नेपालीहरुले नै उनलाई उद्धार गरी नेपालसम्म ल्याएको बाँके एसपी रानाले बताए ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]