०४ बैशाख २०८१, मंगलबार
16-04-2024 , Tue
×

विशाल सिमेन्टका संचालक अमित श्रेष्ठले श्रीमती थुनाउन गरे प्रहरीको दुरुपयोग

Logo
प्रकाशित शनिबार, बैशाख ११, २०७८

 

ABC (क्राईमबिट)
काठमाडौं । नेपाल प्रहरीलाई दुरुपयोग गरी एक ब्यापारीले आफ्नै श्रीमतीलाई थुनाएका छन् । श्रीमती कञ्चन खत्रीले माना चामल र अंशबण्डाको मुद्दा हालेपछि विशाल सिमेन्टका संचालक अमित श्रेष्ठले उनलाई २ बर्षअघिको घटनालाई लिएर थुनाउन सफल भएका छन् । २ बर्षअघि अमित श्रेष्ठले श्रीमती कञ्चनलाई आवश्यक घरखर्च चलाउन भाइ सुवासको क्रेडिट कार्ड दिएका थिए । ३३ किलो सुन तस्करी र सनम शाक्यको हत्यामा बाजेको सेकुवाका चेतन भण्डारीले अमित श्रेष्ठको समेत नाम पोलेपछि उनी क्यानडा भाग्ने क्रममा श्रीमती कन्चन खत्रीलाई भाइको क्रेडिट कार्ड घरखर्च चलाउनका लागि दिएका थिए । २ बर्षअघि दिएको त्यो क्रेडिट कार्डबाट श्रीमती कन्चनले ७३ हजार रुपैयाँ निकालेकी थिइन् ।

२ बर्षसम्म कहीँ कतै उजुरबाजुर नगरेका अमितले केही दिनअघि क्यानडाबाट फर्किएपछि प्रहरीका हाकिमहरुलाई प्रभावमा पारी उनलाई पक्राउ गराएका छन् । खत्रीलाई काठमाडौं प्रहरी परिसरले क्षेत्राधिकार मिचेर ललितपुरको कुपण्डोलबाट बिहान झिसमिसेमै ५.३० बजे खुँखार अपराधीलाई जस्तै ओछ्यानबाटै पक्राबाटै पक्राउ गरेको छ । श्रीमान श्रीमतीको अंश विवादमा प्रहरीले मिलापत्र गराउनुपर्नेतर्फ पहल नै नगरी ब्यापारी श्रेष्ठको पक्षमा लागेर पक्राउ गरेको छ ।

पक्राउ गरी अदालतबाट म्यादसमेत थपिसकेको छ । काठमाडौंको प्रहरीले ललितपुरमा गएर पक्राउ गर्नै नमिले पनि ब्यापारीको प्रभावमा परी उनलाई क्षेत्राधिकार मिचेर पक्राउ गरिएको गुनासो कन्चनका परिवारजनको छ । प्रहरीले कन्चनलाई श्रीमान अमित श्रेष्ठबिरुद्ध अदालतमा दिएको माना चामल र अंश मुद्दा फिर्ता लिन दबाब दिइरहेको छ । मुद्दा फिर्ता लिन कन्चनलाई मानसिक दबाब दिने काम प्रहरीबाट भएको उनका परिवारका सदस्यले नेपालफेससँग गुनासो गरेका छन् । श्रीमती कन्चन र नाबालक छोरालाई अंश नदिई अमितले धनको बलमा प्रहरीको दुरुपयोग गरी थुनाउने काम गरेका छन् ।

को हुन् अमित श्रेष्ठ

नुवाकोटका अमित श्रेष्ठ जीवन गुजाराका लागि कुनै उपाय नभएपछि बैदेशिक रोजगारका लागि केही बर्षअघि अफगानिस्तान गएका थिए । युद्धग्रस्त देश अफगानिस्तानमा गएका उनी ६ महिनामै फर्किए । र, विशाल सिमेन्टमा ७० करोड लगानी गर्न सफल भए । ६ महिनामै अफगानिस्तानमा उनले कसरी आर्जन गरे त ? युद्धग्रस्त देशका एक धनी दम्पतिको सबै श्रीसम्पत्ति गुटुमुटु पारी उनी भागेर नेपालमा आई सिमेन्ट उद्योग खोल्न सफल भएको चर्चा छ । यसैक्रममा उनी क्यासिनोमा हार्नेहरुलाई मिटरब्याजमा लगानी गर्ने मेची क्राउन होटलका संचालक बलराम सापकोटा ‘बले’को सम्पर्कमा पनि पुगेका थिए । उनले सापकोटासँग मिटरब्याजको धन्दा पनि केही समय गरेका थिए । तर नेपालीलाई क्यासिनोमा प्रवेश गर्न बन्देज लगाएपछि उनले मिटर ब्याजको धन्दा सुक्न पुगेपछि बले र श्रेष्ठ अरु पेशातिर लागेका हुन् । बलेसँगै काम गर्ने क्रममा अमितको झापाकी अमित श्रेष्ठ कन्चन खत्रीसँग चिनजान भयो ।

रातारात धनी भएका उनी कन्चनको रुपमा आकर्षित भए । जेठी श्रीमतीसँग सम्बन्ध बिच्छेद गरी बिहे गर्छु भनेर कन्चनसँग लिभिङ टुगेदरमा बस्न थाले । कन्चनसँग विवाह गराउन उनले बलेलाई नै अनुनय विनय गरे । जेठी श्रीमतीसँग सम्बन्ध विच्छेदको कागज समेत देखाएपछि कन्चन श्रेष्ठसँग विवाह गर्न राजी भइन् । तर, विवाह गरेपछि कन्चनसँग केही समय त राम्रै सम्बन्ध भयो । कन्चनको पेटमा गर्भ रहेपछि उनीहरुको सम्बन्धमा दरार आउन सुरु गर्यो । अमितले गर्भपतन गराउन दबाब दिए । तर कन्चनले नमानेपछि बैंककमा लगे । बैंककमा कन्चनको छोरा जन्मियो । छोरा जन्मिएपछि झन् सम्बन्ध बिग्रदै गयो ।

यसबीचमा कन्चनले अमित श्रेष्ठबिरुद्ध मानाचामल र अंशमुद्दा मुद्दा दायर गरिन् । अंशमुद्दा हालेपछि अमित क्यानडातिर पलायन भए । बिशाल सिमेन्टको सेयर २ अर्बमा बिक्री गरे पनि कर छल्न ७ करोडमात्र देखाएको आरोप अमितमाथि छ । जसका कारण त्यो सेयर खरिद बिक्री पनि हुन सकेको छैन । कन्चनले अंश र माना चामलमा मुद्दा हालेपछि क्यानडाबाट नेपाल आई अमितले प्रहरीसँग सेटिङ मिलाएर श्रीमतीलाई थुनाएका छन् । प्रहरीमार्फत् अंश र मानाचामलको मुद्दा फिर्ता लिए छाडिदिने दबाब पनि सँगैसँगै दिइरहेका छन् ।

२ बर्षअघि घरखर्चका लागि श्रीमानले नै दिएको क्रेडिट कार्ड अनधिकृत प्रयोग गरेको बारेमा प्रहरीले खत्रीलाई थुनेकोबारेमा काठमाडौंका एसएसपी अशोक सिंहसँग सोध्दा उनले भने–श्रीमानको क्रेडिट कार्ड त प्रयोग गरेको होइन, भाइको चोरेर प्रयोग गरेकाले पक्राउ गरिएको हो । काठमाडौं प्रहरीले क्षेत्राधिकार मिचेर पक्राउ गरेकोबारेमा उनले भने–मुद्दा काठमाडौंमा दर्ता भइसकेपछि पक्राउ त गर्न जहाँबाट पनि सकिन्छ ।

सुन तस्करीमा मुछिएका थिए अमित
३ बर्षअघि ३३ किलो तस्करी र सनम शाक्य हत्याकाण्डमा पनि मुछिएका थिए अमित श्रेष्ठ । गृहमन्त्रालयका सहसचिव इश्वरराज पौडेल संयोजकत्वको छानबिन समितिले बाजेको सेकुवाका संचालक चेतन भण्डारीलाई पक्राउ गरेपछि उनले अमित श्रेष्ठको नाम ३३ किलो सुन तस्करीमा पोलेका थिए । चेतन भण्डारीका ब्यापारिक साझेदार समेत रहेका अमित श्रेष्ठलाई त्यतिबेला पक्राउ पर्नबाट नेपाली कांग्रेसका नेता जगदिशनरसिंह केसीले जोगाएका थिए । त्यही पक्राउको डरले उनी क्यानडा पलायन भएका थिए ।

कानुनी रूपमा जोगिएर मैखिक सहमति र कागजी प्रमाण राख्दै श्रेष्ठ र भण्डारीले चुडामणि उप्रेती गोरेलाकई लगानी गरेको प्रमण सुन छानबिन समितिले फेलापारेको थियो । लामो समयदेखि भण्डारी र श्रेष्ठले संयुक्त रुपमा व्यापार गर्दैआएका छन् । हाईड्रो पावर र केबलकारमा यी दुईको संयुक्त लगानी छ । नेपाल फेसबाट

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]