(सागर थापा/महेन्द्र सिंह)
बर्दिया । जिल्ला प्रहरी कार्यालय बर्दियाले लकडाउनको उल्लंघन गर्ने अत्यावश्यक काम बाहेक बिना मास्क घर बाहिर निस्कने व्यक्तिलाई एक घन्टा होल्ड कार्वाही सुरु गरेको छ । मंगलबार बर्दियाको गुलरियामा मूख्य सडकमा विना काम मास्क नलागाई निस्केका १५ सय ३५ जनालाई एक घन्टा होल्ड कार्वाही गरेकाे छ । मोटरसाइकल ५०३ वटा साइकल ६२० वटा चार पाङ्ग्रे सवारी साधन १३० वटा
लाई कार्वाही गरेको जिल्ला प्रहरी कार्यालय बर्दियाले जनाएकाे छ ।
जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीको नेतृत्वमा बर्दियाकाे विभिन्न गाउँ टोल गल्ली शहरमा खटेकाे प्रहरी टाेलीले लकडाउन उल्लंघन गर्दै निस्केकाहरुलाई होल्ड कारवाही गरेकाे थियाे ।
संक्रामक रोग ऐन २०३० बमोजिम जिल्ला प्रशासन कार्यालय बर्दियार्को निर्देशन अनुसार बर्दिया जिल्ला प्रहरीको मातहतमा रहेका प्रहरी युनिटहरुले मास्क नलगाउँनेहरु लाई एक घन्टा होल्ड गरि कारवाही अघि बढाएको जिल्ला प्रहरी कार्यालय बर्दियाका प्रहरी प्रमुख एसपी कार्कीले बताएका छन ।
बिना मास्क बिना काम बजारमा भेटिएकाहरुलाई प्रहरीले एक पटक समझाई बुझाई अब उपरान्त बिना मास्क घरबाहिर ननिस्कने सर्तमा मास्क समेत वितरणबाट गरेको जिल्ला प्रहरी कार्यालय बर्दियाका प्रहरी प्रमुख एसपी कार्कीले जानकारी दिए।
