प्रकशित मिति : २२ बैशाख २०७८, बुधबार १९:३३

(ABC-Sanchar)
दाङ । अमर बहादुर डाँगी दाङ २ (ख) मा नेकपा (एमाले)बाट निर्वाचित प्रदेशसभा सदस्य क्षेत्रीले स्वास्थ्यका कारण देखाई प्रदेशसभाका सभामुखसमक्ष आज राजीनामापत्र बुझाएका हुन।

राजनीतिक खिंचातानीबाट मुक्त भई आराम गर्नुपर्ने कारण जनाई राजीनामा पेश गरिएको प्रदेशसभाका सचिव दुर्लभकुमार पुन मगरले जानकारी दिए।

प्रधानमन्त्री ओलीले संसद विघटन गरेर दुई तिहाइ बहुमतको बर्खिलाप, कम्युनिष्ट आन्दोलन र लोकतान्त्रिक प्रणालीलाई नै तहसनहस पारेको, संविधान, विधि र प्रक्रियाको चीरहरण गरेको र मुलुकलाई अस्थिरतातर्फ धकेलेको उनले आरोप लगाएका छन ।

कतिपय प्रदेशमा गलत लोकतान्त्रिक संस्कृतिको सुरुवात भएको भन्दै उनले उच्च रक्तचापको बिरामी भएकोले राजनीतिक खिचातानीबाट मुक्त भई आराम गर्न चाहेको उल्लेख गरेका छन।

यसअघि एमालेकै प्रदेशसभा सदस्य दूगनारायण पाण्डेले राजीनामा दिएका थिए भने तत्कालीन नेकपाबाट प्रदेशसभामा निर्वाचित विमला खत्री माओवादी केन्द्र प्रवेश गरेका थिए।

डाँगीले राजीनामा दिएपछि एमालेसँग अब ३८ सांसद छन् । ७९ सदस्यीय प्रदेशसभामा बहुमतका लागि ४० मत चाहिन्छ । डाँगी र मुख्यमन्त्री पोखरेलका एउटै गाउँका नेता हुन। एकै ठाउँको भए पनि डाँगी एमालेभित्र माधवकुमार नेपाल पक्षधर हुन।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com