८ असार /अर्घाखाँची – झुटो विवरण पेश गरी भारतीय महिलाले बंशजको नागरिकता लिएपछि शितगंगा नगरपालिका १३ का वडाअध्यक्ष सहित तीनजना पक्राउ परेका छन् । वडा नम्वर १३ सिमलपानीका चुडामणि भाट क्षेत्रीले श्रीमती भारतीय महिला सीता भाट क्षेत्रीलाई नेपालि नागरिकता बनाउन झुठो विवरण दिएको भन्दै कर्णबहादुर भाट क्षेत्री, मनि भाट क्षेत्री र वडाअध्यक्ष दुर्गाबहादुर बिसीलाई प्रहरीले पक्राउ गरेको हो ।
भारतीय महिलालाई नागरिकता प्रमाणपत्र दिलाउन कर्णबहादुर भाट क्षेत्रीले बुवा र मनि भाट क्षेत्रीले आमा बनेर झुटो विवरण पेश गरेर कीर्ते गरी नागरिकता दिलाएको भेटिएपछि उनीहरुलाइ पक्राउ गरिएको जिल्ला प्रहरी कार्यलयका प्रहरी निरीक्षक प्रदिपकुमार डिसीले जानकारी दिनुभयो ।
बुबा आमाको नाता कायम गरी वडाध्यक्ष बिसीले जन्म दर्ताको प्रमाणपत्र समेतको सिफारिस लिई वंशजको आधारमा मिति २०७४ साउन २३ गते नेपाली नागरिकताको प्रमाणपत्र बनाएका थिए । नक्कली नागरिकता बनाउन लगाउन योजना बनाउने चुडामणि भाट क्षेत्री भने फरार छन् । निज दुर्गा बहादुर विसी तत्कालीन नेकपा एमालेबाट निर्वाचित वडा अध्यक्ष हुन ।

श्रोत:प्रेमनारायण आचार्य/ हिन्दु खबर अनलाईन

सम्बन्धित

चीनको नाकाबाट स्वास्थ्य सामग्री नेपाल भित्रियो

कृष्णनगर प्रहरीले ३७ किलो चरेससहित दुईजना महिला पक्राउ

नेपाल एयरलाइन्सको आन्तरिक हवाई सेवा सुरु ९ उडान सुरु

कोरोना संक्रमित २५ हजार नाघे लकडाउन गर्न मन्त्रालयको सिफारिस

नारायणगढ मुग्लिन सडक अवरुद्ध

बाँकेमा एकै दिन ३७ जनामा कोरोना भाइरसको पुष्टि