(ABC-Sanchar)
दाङ । रातभर वर्षातका कारण खोलामा बाढी आएपछि घोराही तुलसीपुर आवागमन रोकिएको छ । घोराही तुलसीपुर सडक खण्ड अन्तर्गत तुलसीपुर–७ कालाखोलामा पानीको सतहले पुलमाथि आएपछि अहिले आवागमन रोकिएको हो ।
खोलामा आएको बाढीका कारण गन्तव्यमा हिडेका यात्रुहरु रोकिएका छन् । सवारीको जाम लागेको छ ।
अहिले तत्कालकै खोला कम हुने संभावना नरहेको तुलसीपुर उपमहानगरपालिका वडा नम्बर ७ का सदस्य रामबहादुर जीसीले जानकारी दिनुभयो ।
ठुला सवारी साधन संचालन भएपनि साना सवारी साधन संचालन हुन समय लाग्ने उहाँले बताउनुभयो ।
यस्तै पत्रेखोला, हापुर खोलामा आएको बाढीले साना तथा मझौला सवारी साधन आवागमनमा असहजता देखिएको प्रहरीले जनाएको छ ।
