ABC (क्राईमबिट)
सिन्धुली । कमलामाई नगरपालिका-९ भिमानस्थित ड्युटीमा डिउटीमा खटिएको प्रहरीलाई ५ सय रुपैयाँ घुस दिन खोज्ने एक जना गएराति पक्राउ परेका छन् ।
पक्राउ पर्नेमा दुधौली नगरपालिका-११ बस्ने २५ वर्षीय सरगम घिमिरे रहेका छन् ।
भिमानबाट दुधौलीतर्फ जाँदै गरेको प्रदेश २-०२-००२ प ३६०७ नम्बरको मोटरसाइकललाई ईलाका प्रहरी कार्यालय भिमानबाट खटिएको प्रहरीले चेकजाँच गर्ने क्रममा मोटरसाइकलमा सवार उनको साथबाट १ खिल्ली चुरोटमा लागूऔषध गाँजा भरी राखेको अवस्थामा फेला पारी नियन्त्रणमा लिने क्रममा उनले प्रहरीलाई उक्त नगद दिन खोजे पश्चात उनलाई उक्त नगद तथा मोटरसाइकल सहित प्रहरीले पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको सिन्धुली प्रहरीले जनाएको छ ।
