(ABC-Sanchar)
काठमाडौं । नेपाल प्रहरीकै इतिहासमा निष्कलंक मानिएका आईजीपी धृष्टराष्ट्र बन्न खोज्दा प्रहरी संगठन लथालिंग बनेको छ । भ्रद्र र शालिन मानिएका नेपाल प्रहरीका आईजीपी शैलेश थापा क्षेत्रीको एक बर्ष असार २४ गते पुगेलगत्तै भएको प्रहरी नायव निरीक्षक (सई) बढुवालाई हेर्ने हो भने १७ वर्षसम्म एउटै पदमा कायम रहेकालाई छाडेर ब्याच मिच्दै बढुवा गरिएपछि उनी साच्चिकै धृष्टराष्ट्र बन्ने र अरुलाई मनलाग्दी गर्न छाडीदिने आईजीपीको रुपमा दरिएका छन् । ‘जसले जे ल्याउँछ, त्यसमा ल्याप्चे लगाउने काम मात्रै गरिरहेका छन्’, एक प्रहरी अधिकारीले आक्रोश पोखे ।
नेपाल प्रहरीको सबैभन्दा सूक्ष्म काम गर्ने तह सई, असई र इन्स्पेक्टर हो । तर यही तहमा प्रहरी संगठनकै प्रमुखले अन्याय गरेपछि ठूलो संख्यामा निराशा छाएको छ । २०६१ सालमा सई भएकाहरुलाई छाडेर प्रहरी प्रधान कार्यालयले २०६३ सालमा सई भएकालाई बढुवा गरेपछि राजनीतिक रुपमा आफ्ना मान्छे नहुनेहरुले यही पदबाट घर जानुपर्ने अवस्था सिर्जना भएको छ ।
पछिल्लो पटक सईबाट इन्स्पेक्टरमा बढुवा भएका ९८ जना मध्ये ३० जना भन्दा बढीलाई ब्याच मिचेर बढुवा गरिएको छ । २०६१ साल र २०६२ सालमा सई बढुवा भएका ३० भन्दा बढी सईहरु अन्यायमा परेका छन् । २०६३ सालमा बढुवा भएका सईहरु भने राजनीतिक पहुँच, शक्ति केन्द्रकै आडमा बढुवा भएका हुन् ।
नेपाल बहसबाट
