m
(ABC-Sanchar)
दाङ । नेपाल प्रेस युनियन अनुशासन विभागले प्रेस युनियन दाङलाई कारबाही फिर्ता लिन निर्देशन दिएको छ । युनियनलाई सोझै कारबाही गर्ने अधिकार नभएको भन्दै विभागले कारबाही फिर्ता लिएर तिनै जनालाई संगठनको काममा लगाउन निर्देशन दिएको हो ।
प्रेस युनियन दाङका सहसचिव शर्मीला डिसी, सदस्यहरु सपना बोहरा र प्रिया स्मृती गजमेरलाई नेपाल पत्रकार महासंघ दाङको निर्वाचनमा अन्तर्घात गरेको भन्दै साउन ९ गते कारबाही गरेको थियो । डिसी, बोहरा र गजमेरले साउन १४ गते मनोमानी ढंगले आफुहरुलाई युनियन
दाङले कारबाही गरेको भन्दै विभागमा निवेदन दिएपछि विभागका संयोजक दीपक आचार्यले साउन १९ गतेको मितिमा युनियन दाङलाई पत्र लेखेर कारबाही फिर्ता लिन भनेको हो । संगठनको हितविपरित कार्य गरेको सप्रमाण फेला परेपनि बहुमत सदस्यबाट निर्णय गराई अनुशासन विभागमा कारबाहीका लागि सिफारिस गर्न पाउने प्रावधान मात्र भएको र ठाडो रुपमा कारबाही अधिकार नभएको पत्रमा उल्लेख छ ।
व्यक्तिगत स्वार्थ पुरा नहुँदा कारबाही गर्नेको शाख गिर्यो : सहसचिव डिसी
यता कारबाहीमा परेकी भनिएकी प्रेस युनियन दाङकी सहसचिव शर्मिला डिसीले आफ्नो व्यक्तिगत स्वार्थ पुरा नहुँदा हचुवाका भरमा कारबाही गर्नेको शाख गिरेको प्रतिकृया दिनुभएको छ । युनियनको विधान समेत नपढेका केहि २/४ जनाले हचुवाका भरमा कारबाही गरेपनि अनुशासन विभागले आफुहरुलाई न्याय दिएको डिसीले बताउनुभयो ।
