(महेन्द्र सिंह)
बर्दिया । लागुऔषध ब्राउन सुगरसहित दुई जनालाई प्रहरीले बिहिबार पक्राउ गरेको छ ।
गुलरिया नगरपालिका–६ निलो पेट्रोल पम्प स्थित सडक बाटोबाट दुवैलाई प्रहरीले पक्राउ गरेको हो । गुलरिया नगरपालिका–७ बस्ने २२ वर्षिय अर्जुन सुनार र वडा नम्बर ४ बस्ने २१ वर्षिय सन्तोष भट्टराईलाई लागु औषध सहित प्रहरीले नियन्त्रणमा लिएको हो । पक्राउ परेका दुवैको साथबाट ९ सय ३० मिलिग्राम लागु औषध ब्राउन सुगर फेला परेको प्रहरीले जारी गरेको प्रेस विज्ञप्तीमा उल्लेख छ ।
दुवै जना सडकमा शंकास्पद रुपमा हिडिरहेको अवस्थामा प्रहरीले नियन्त्रणमा लिई खानतलासी गर्दा लागु औषध फेला परेको हो । लागु औषध नियन्त्रण ब्यरो शाखा कार्यालय नेपालगंज र जिल्ला प्रहरी कार्यालय बर्दियाबाट खटिएको संयुक्त प्रहरी टोलीले दुवैलाई पक्राउ गर्न सफल भएको हो ।
दुवैलाई पक्राउ गरी आवश्यक अनुसन्धान भईरहेको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले बताए ।
