(महेन्द्र सिंह)
बर्दिया । लागुऔषध ब्राउन सुगरसहित एक जनालाई सशस्त्र प्रहरीले शुक्रबार पक्राउ गरेको छ ।
सशस्त्र प्रहरीले बाँके खजुरा गाउँपालिका–८ बिरपुर बस्ने २२ वर्षिय सुमित सुनारलाई पक्राउ गरेको हो । बढैयाताल गाउँपालिका–२ फुटाहा स्थित भारतबाट नेपाल तर्फ शंकास्पद रुपमा आउदै गरेको अवस्थामा सशस्त्र प्रहरीले नियन्त्रणमा लिई खानतलासी गर्दा लागु औषध ब्राउन सुगर फेला परेको हो ।
सशस्त्र प्रहरीले सुनारको साथबाट ९ ग्राम ब्राउन सुगर, नगद १० हजार नेपाली रुपियाँ, एउटा मोबाईल र मिठाईसहित पक्राउ गरेको हो । सशस्त्र प्रहरी बल नेपाल नम्बर ३१ गण हेड क्वाटर बर्दियाको मातहत फरवार्ड बेश फुटाहाबाट सशस्त्र प्रहरी नायव निरीक्षक भिम बहादुर वलीको नेतृत्वमा खटिएको सशस्त्र प्रहरी टोलीले सुनारलाई पक्राउ गरेको हो ।
सुनारलाई पक्राउ गरी आवश्यक कारवाहीको लागि जिल्ला प्रहरी कार्यालय गुलरियामा बुझाएको सशस्त्र प्रहरीले जानकारी दिएको छ ।
