ABC (क्राईमबिट)
काठमाडौं । लागु औषध विरुद्धको अभियान तिब्र पारेको प्रहरीले एक महिना यता लागु औषध निस्तेज अभियान अन्तगर्त दैनिक जसो लागुऔषधसहित संलग्न व्यक्ति पक्राउ गर्न थालेको हो ।
जिल्ला प्रहरी कार्यालय बर्दियाका अनुसार शनिबार ठुलो परिमाणमा लागुऔषध (ब्राउन सुगर) सहित २ जना कारोबारी पक्राउ गर्न सफल भएको छ । गुलरिया नगरपालिका वडा नं.११ गणेशपुर स्थित नयाँ बन्दै गरेको घरको कोठाबाट जिल्ला गुलरिया ४ का बर्ष २५ का अरिव खान पठानलाई २४ ग्राम ४२० मिलिग्राम लागु औषध (ब्राउन सुगर)सहित पक्राउ गरिएको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले बताए ।
त्यस्तै बर्दिया प्रहरीले शुक्रबार भारतबाट नेपाल तर्फ आउँदै गरेको बाँकेको खजुरा गाउँपालिका वडा नं.१ का २२ बर्षिय सुमित सुनारलाई ४ ग्राम २६० मिलिग्राम लागु औषध (ब्राउन सुगर) सहित नियन्त्रणमा लिएको थियो । प्रारम्भिक अनुसन्धानका क्रममा दुबैजना लागु औषध (ब्राउन सुगर) को कारोबारी रहेको बुझीएकोले थप अनुसन्धान भइरहेको एसपीको भनाई छ । बर्दिया प्रहरीले यसअघि बर्दियाको राजापुर, गेरुवा, मधुवन, गुलरियालगायतका क्षेत्रबाट लागुऔषधसहित संलग्न युवालाई पक्राउ गरीसकेको छ ।
