ABC (क्राईमबिट)
रौतहट । जिल्ला प्रहरी कार्यालय रौतहटले करिब १० लाख बराबरको नक्कली नेपाली रुपैयाँसहित तीन जनालाई पक्राउ गरेको छ। ईशनाथ नगरपालिका–४ कालिमन्दिर नजिकैबाट प्रहरीले नौ लाख ९३ हजार बराबरको नेपाली नक्कली नोटसहित उनीहरुलाई पक्राउ गरेको हो। प्रहरी चौकी मठिया महुलियाबाट खटिएको टोलीले चेकजाँचका क्रममा भारतबाट नेपालतर्फ पैदल आउँदै गरेका तीन जनालाई एक हजार नेपाली दरको नक्कली नोटसहित पक्राउ गरेको हो।
पक्राउ पर्नेहरुमा बट्टेश्वर गाउँपालिका–४ धनुषाका शत्रुधन वरई ठाकुर, बर्दीबास नगरपालिका–९ महोत्तरीका रन्जित महतो र भङ्गहा नगरपालिका–४ महोत्तरीका दिपेन्द्र कुमार महतो रहेको जिल्ला प्रहरी कार्यालय रौतहटका प्रहरी प्रमुख प्रहरी उपरीक्षक सिद्धि बिक्रम शाहले जानकारी दिए।
