ABC (क्राईमबिट)
बाँके । कोहलपुरमा एक युवामाथि खुकुरी प्रहार भएको छ । ब्यक्तिगत रिसिबीका कारण नेपालगञ्ज मेडिकल कलेज शिक्षण अस्पताल कोहलपुर नजिकै आज मध्यान्ह १२ बजेतिर स्थानीय युवा प्रदिप रानामाथि खुकुरी प्रहार भएको इलाका प्रहरी कार्यालय कोहलपुरले जनाएको छ ।
पुरानो झगडालाई लिएर विनय चन्दले खुकुरी प्रहार गरेको प्रहरीले जनाएको छ । खुकुरी प्रहारबाट रानाको शरिरका विभिन्न भागमा गम्भीर चोट लागेको छ । गम्भीर घाइते रानाको कोहलपुर मेडिकल कलेज कोहलपुरमा उपचार भइरहेको छ ।
केही दिन पहिले चन्दमाथि कुटपिट भएको थियो । उक्त घटनापछि दुबै पक्षलाई बोलाएर प्रहरीले मिलापत्र गराएको थियो । तर पुरानै घटनालाई लिएर रानामाथि खुकुरी प्रहार भएको खुल्न आएको इलाका प्रहरी कार्यालय कोहलपुरका प्रमुख प्रहरी प्रमुख डिएसपी रविन्द्र खनालले बताउनुभयो । खुकुरी प्रहार गरी फरार भएका चन्दको खोजी कार्य तीब्र पारिएको कोहलपुर प्रहरीले जनाएको छ ।
