ABC (क्राईमबिट)
धनगढी । कैलालीमा शुक्रबार राति विङ्गर र अटो एक आपसमा ठोक्किएर भएको दुर्घटनामा तीन जनाको मृत्यु भएको छ भने चार जना घाइते भएका छन।
कैलालीको गौरीगंगा नगरपालिका ४ राजिपुर स्थित पुर्व पश्चिम रार्जमार्गमा पश्चिम बाट पुर्ब तर्फ गईरहेको म १ ज ३१९ नम्बरको विईङ्गर र पुर्व बाट पश्चिम तर्फ आउदै गरेको से १ ह २५१० नम्बरको अटो राती करिब ११ बजे तिर एक आपसमा ठोकिई दुर्घटना हुदा अटोमा सवार ३ जनाको उपचारको क्रममा सेती प्रादेशिक अस्पतालमा मृत्यु भएको प्रहरीले जानकारी दिएको छ।
जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारीले अटोमा सवार ७ जना घाईतेलाई तत्काल उपचारका लागी सेति प्रादेशिक अस्पताल धनगढी ल्याइएकोमा उपचारको क्रममा ३ जनाको मृत्यु भएको बताए।
मृत्यु हुनेमा घोडाघोडि नगरपालिक्व ९ का २४ वर्षीय युवराज चौधरी, सोही ठाउँका २६ वर्षीय भिगम चौधरी र १९ वर्षीय जितेन चौधरी रहेको प्रहरीले जानकारी दिएको छ।
त्यस्तै घाइते हुनेमा घोडाघोडी नगरपालिका ९ बस्ने बर्ष २४ को दिपेन्द्र चौधरी, सोही ठाउका अटो चालक बर्ष २२को सुरेश चौधरी, बर्ष २० को असान्त चौधरी र बर्ष ३० को हरी चौधरी रहेका छन। घाइते चारैजनाको धनगढी स्थित माया मेट्रो अस्पतालमा उपचार भईरहेको प्रहरी उपरीक्षक अधिकारीले बताए।
ठक्कर दिने विईङगरका सहचालकलाई प्रहरीले नियन्त्रणमा लिएको छ। चालक भने दुर्घटना पछि फरार रहेको र उनको खोजीकार्य भैरहेको प्रहरीले जानकारी दिएको छ।
दुर्घटनामा परी गम्भीर घाईते भएका तीनै जनालाई तत्काल उपचारका लागि धनगढी ल्याईएको थियो। जसमध्ये दुई जनाको माया मेट्रो अस्पताल र एक जनाको सेती प्रादेशिक अस्पतालमा मृत्यु भएको प्रहरीले जनाएको छ।
