ABC (क्राईमबिट)
दाङ । तुलसीपुर १३ स्थित शितलपुरमा रहेको एक होटेलमा बालिका माथि सामुहिक बलात्कार भएको घटना सार्वजनिक भएको छ । गएको भदौ २७ गते दिउँसो करिब ४ बजे १४ बर्षकी बालिका माथि सामुहिक बलात्कार भएको ईलाका प्रहरी कार्यालय तुलसीपुरका प्रहरी प्रमुख डिएसपी श्यामु अर्यालले जानकारी दिए । बालिकालई दुई जनाले प्रलोभनमा पारेर होटेलमा लगेर सामुहिक बलात्कार गरेको डिएसपी अर्यालले बताए ।
घटनामा संलग्न रहेको आरोपमा प्रहरीले कैलाली घर भई हाल तुलसीपुर उपमहागनरपालिका–११ बेलटाकुरामा बस्दै आएका २२ बर्षीय विष्णु सुनारलाई पक्राउ गरेको छ । उनलाई शान्तिनगर गाउँपालिका–५ रगैचाबाट दिउँसो प्रहरीले पक्राउ गरेको हो । घटनामा संलग्न अर्का युवक भने फरार रहेका छन् । बालिकाको अत्याधिक रक्तश्राव भएपछि घटना बाहिर आएको हो । बालिकालाई पानी पुरी खाने भन्दै मोटरसाईकलमा हालेर लगिएको अनुसन्धानबाट खुलेको छ फरार रहेको युवकलाई पनि तत्काल खोजतलास गरेर पक्राउ गर्ने डिएसपी अर्यालले जानकारी दिए ।
