ABC (क्राईमबिट)
बाँके । सशस्त्र प्रहरीले भारतबाट ल्याउँदै गरिएको अवैध सामाग्री बरामद गरेको छ ।
सशस्त्र प्रहरी बल बिओपी भन्सार जमुनाहबाट सशस्त्र प्रहरी नायब निरीक्षक धन बहादुर खड्काको कमान्डको टोलीले शुक्रबार बिहान ११ बजे नेपालगन्ज १५ हड्डी चोकबाट लाखौं रुपैयाँ बराबरको अवैध सामाग्री बरामद गरेको सशस्त्र प्रहरी बल जमुनाह बिओपी प्रमुख सशस्त्र प्रहरी निरीक्षक जिबनलाल बुढाले जानकारी दिनुभएको छ ।
सशस्त्र प्रहरी निरीक्षक बुढाका अनुसार बरामद गरिएका अवैध सामाग्रीहरुमा इलेक्ट्रिकल सामाग्री, किराना, फलफुल, लत्ताकपडा तथा मोटर पार्ट्स रहेका छन् ।
बरामद गरिएका १ लाख १६ हजार रुपैयाँ बराबरका सबै अवैध सामाग्रीलाई आजै नेपालगन्ज भन्सार कार्यालय बुझाइएको सशस्त्र प्रहरी निरीक्षक बुढाले जानकारी दिएका छन् ।
