(सागर थापा)
दाङ । जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले चाडपर्वमा हुन सक्ने सम्भावित घटना प्रति सजक रहन र व्यक्तिगत सुरक्षामा विषेश ध्यान दिन नागरिकहरुलाई अपिल गरेको छ । जिल्ला प्रहरी कार्यालय दाङले सार्वजनिक अपिल जारी गर्दै दशै, तिहार र छठ पर्वमा हुन सक्ने कुनै पनि अपराधिक घटना प्रति सचेत रहन र व्यक्तिगत सुरक्षामा बिषेश ध्यान दिन नागरिकहरुलाई अपिल गरेको हो ।
प्रहरीले जुनसुकै अबस्थामा अपरिचित व्यक्तिले दिएको कुनैपनि बस्तुहरु नखान, मादक पदार्थ सेवन गरेर गाडी नचलाउन, होहल्ला नगर्न, गाउँ टोलमा कुनै पनि घटना हुने देखिए तत्काल प्रहरीलाई खबर गर्न आग्रह गरेको छ । 
साथै गरगहन लगाएर एक्कै नहिड्न, प्रर्दशन नगर्न, जुवातास नखेल्न, प्रज्ज्वलनशिल कुनै पनि बस्तुहरु प्रयोग नगर्न, घरको झ्याल ढोका राम्रो सँग लगाएर बस्न, सहयोगको नाममा चन्द नदिन र नदिन समेत प्रहरीले सबैलाई अपिल गरेको छ ।
त्यसैगरी, आर्थिक कारोबार हुने स्थानहरुमा चोरी, लुटपाट हुन सक्ने भएकाले बिषेश ध्यान दिन र उपभोग्य बस्तुको बजारमा कृत्रिम अभाब, कालो बजारी एंव मिसावट नगर्न आग्रह गरिएको दाङका प्रहरी प्रबक्ता डिएसपी मुकुन्द रिजालले जारी गरिएको अपिलमा उल्लेख छ ।
