(ABC-Sanchar)
बाँके । जंगलमा गाइबस्तु चराउन पुगेका स्थानीयलाई पाटे बाघले घेरा हालेको छ । बाँकेको राप्ती सोनारी गाउँपालिका–१ गाभरमा पाटेबाघले मान्छेलाई घेरेको छ । वन, जंगलमा पशु चौपाया चराउन गएका स्थानीयलाई बाघले घेरेका हुन् ।
बाघबाट घेरिएका स्थानीय आफ्नो ज्यान जोगाउन अहिले रुखमा चढेर बसेको स्थानीय वासिन्दा चन्दा लामाले नागरिक न्यूजलाई जानकारी दिईन् । उनले टेलिफोनमा भनिन, ‘बाघले मान्छेलाई घेरेर राखेका छन्, रुखमा चढेका उनिहरुको उद्धार गरिदिनु पर्यो ।’
बाँके राष्ट्रिय निकुञ्ज पूर्वी सेक्टरका प्रमुख उत्तम चौधरीले जंगलमा बाघ देखिएको जानकारी आएको र स्थानीयको उद्दारका लागि नेपाली सेना सहितको टोली त्यसतर्फ पठाईएको बताए । स्थानीयले चौपाया चराउन गएका ब्यक्तिलाई बाघले घेरेको जानकारी पाएपछि त्यसबारे बुझ्ने काम भइरहेको उनले बताए । निकुञ्जका प्रमुख संरक्षण अधिकृत श्याम कुमार शाहले यस विषयमा बुझ्न निर्देशन दिईसकेको जानकारी दिएका छन् ।
अर्जुन ओलीबाट
