(ABC-Sanchar)
काठमाडौं । गृह मन्त्रालयले चाडपर्वको बेला बिदा नबस्न देशभरका प्रमुख जिल्ला अधिकारी (प्रजिअ) र जिल्लाका सुरक्षा प्रमुखहरुलाई निर्देशन दिएको छ।
अत्यावश्यक काम र गृह मन्त्रालयको अनुमतिबिना चाडपर्वमा बिदा नबस्न गृहले ७७ वटै जिल्लाका सिडिओ, नेपाल प्रहरी र सशस्त्र प्रहरी प्रमुखहरुलाई परिपत्र गरेको हो। गृह मन्त्रालयको यो निर्देशनसँगै अब प्रजिअसहित सुरक्षा प्रमुखहरुले दसैँतिहार जस्ता चाडपर्वमा जिल्ला छोडेर बाहिर जान नपाउने भएका छन्।
यसैगरी चाडपर्वको समयमा कुनै समस्या परे सर्वसाधारणलाई २४ सै घन्टा ठाडो निवेदन दर्ता र गुनासो गर्न मिल्ने व्यवस्था मिलाउन पनि गृहले प्रजिअहरुलाई निर्देशन दिएको छ। त्यसैगरी जिल्लाको अवस्था अनुसार पर्व सुरक्षा योजना बनाएर लागू गर्न पनि निर्देशन गरिएको गृह मन्त्रालयका प्रवक्ता फणिन्द्रमणि पोखरेलले जानकारी दिए।रासस
