(महेन्द्र सिंह)
बाँके । प्रधानमन्त्री शेरबहादुर देउबाले शुक्रबार विस्तार गरेको मन्त्रीमण्डलमा बाँके कांग्रेसका नेता गजेन्द्र हमाल पनि परेका छन । बाँके जिल्ला कांग्रेसका पुराना नेता हुन् । उनी संविधानतः ६ महिना मन्त्री बन्न पाउनेछन् । उद्योग बाणिज्य तथा आपूर्ति मन्त्रालयको जिम्मेवारी पाएका छन ।
को हुन् गजेन्द्र हमाल ?
नेपालगन्ज निवासी हमाल २०२८ सालमा शेरबहादुर देउवा नेपाल विद्यार्थी संघको केन्द्रिय अध्यक्ष हुँदा नेविसंघको बाँके जिल्ला अध्यक्ष थिए । २०३९ र २०४४ मा वडा अध्यक्ष बनेका हमाल २०५३ सालमा नेपाली कांग्रेस बाँकेका सभापति बनेका थिए । पार्टी विभाजन हुँदा उनले शेरबहादुर देउवालाई साथ दिएका थिए । त्यसपछि उनी नेपाली कांग्रेस प्रजातान्त्रिकको बाँके जिल्ला सभापति भए । २०६४ सालको पहिलो संविधानसभा निर्वाचनमा हमाल बाँके क्षेत्र नम्बर १ मा उम्मेदवार बनेका थिए । तर, उनी पराजित भए । उनी लुम्बिनी प्रदेश सांसद सुरेन्द्र हमालका दाई हुन् । हमाल पनि लुम्बिनी प्रदेशमा बन मन्त्री पाएका छन । 
