(ABC-Sanchar)
दाङ । तुलसीपुर १३ फुलबारीमा किसानले पालेका करिव ३० वटा खशीबाख्रा मरेका छन् । त्यहाँका छ जना किसानले पालेका ३० वटा खशीबाख्रा मरेको स्थानिय किसान गोविन्द सुवेदीले जानकारी दिनुभयो।
उहाका अनुसार हिरामती चौधरीका चार वटा खशी र सात वटा बाख्रा गरी ११ वटा, लाल बहादुर चौधरीका दुई वटा बाख्रा, शान्ता चौधरीका छ वटा बाख्रा, बलविर चौधरीका ४ वटा बाख्रा,मनोज चौधरीका चार वटा बाख्रा र पुर्ण बहादुर चौधरीका दुई वटा बाख्रा मरेका हुन् ।
केहि साता देखी खशीबाख्रामा पखला हुने गरेको थियो । झन्डै पन्ध्र दिनको अवधीमा उक्त संख्यामा खशीबाख्रा मरेका हुन् । अझै पनि सात÷आठ वटा खशीबाख्रा विरामी परेको पशु सेवा शाखा तुलसीपुरका प्रमुख सुवास आचार्यले जानकारी दिनुभयो ।
खशीबाख्रा मरेको भन्ने खबरपाएपछि आफुहरु त्यही पुगेर जानकारी लिएको बताउदै किसानहरुले समयमै पशु उपचारमा ध्यान नदिदा यति धेरै क्षति भएको समेत बताउनुभयो ।
बर्षातको समयमा बाख्रालाई खानपानको कमजोरी,चरण गर्ने स्थान भिजेका कारण पखला र ज्वरो आउने जस्ता लक्षण देखीएको उहाले बताउनुभयो । साथैे पिडित किसानहरुलाई भेटेर बाँकी विरामी भएका बाख्राहरुलाई औषधी र परामर्श समेत दिएको बताउनुभयो ।