(महेन्द्र सिंह)
बाँके । ईलाका प्रहरी कार्यालय जमुनाह इन्चार्ज मीन बहादुर बिष्टका कारण बाँकेको खुला सीमानाकाका कारण भारतबाट भित्रिने असुरक्षित पटकाले नेपालगञ्जमा जोखिम बढेको छ । जमुनाह इन्चार्ज सइ मीन बहादुर बिष्टको सेटिङ्गमा भारतबाट पटकाजन्य बस्तुहरु नेपालमा धमाधम भित्रिएको छ । रुपैडियाका एक ब्यापारी पवन गुप्ता र सोनु खानले बताए । पड्काउने वा बाल्ने क्रममा निस्कने रसायनले ध्वनि तथा वायु प्रदूषणलगायत पर्यावरणीय समस्यासँगै जनस्वास्थ्यमा पनि दूरगामी असर पर्ने विज्ञ बताउँछन् ।
उनीहरूका अनुसार ज्येष्ठ नागरिक एवं दीर्घरोगीको स्वास्थ्यका लागि बढी घातक हुन्छ । तिहार आउन लागेको संकेत दिँदै सीमावर्ती नेपालगञ्ज लगायत बजार क्षेत्रमा पटका पड्काउन थालिएको छ ।
वातावरण एवं स्वास्थ्यमा प्रतिकूल असर पार्ने भारतका सस्तो एवं घरेलु ब्रान्डका पटका नेपाल आइरहेको बाँकेका प्रमुख जिल्ला अधिकारी सुर्यबहादुर खत्रीले जानकारी दिनु भयो । यसपालि पनि तिहारअगावै पटका बरामद गरिएको खत्रीले बतानु भयो ।
प्रहरीका आँखा छलेर सीमावर्ती बजारबाट ल्याउने र पट्काउने कार्य भइरहेको भन्दै उहाँले त्यसमाथि प्रहरी प्रशासनको निगरानी भइरहेको बताउनु भएको हो ।
सामाजिक धार्मिक र सांस्कृतिक रूपले तिहारमा पटकाको कुनै स्थान वा महत्व नरहेको संस्कृतविद्हरु बताउँछन् ।