बाँके । जिल्ला प्रहरी कार्यालय बाँकेले अवैध रुपमा भारतबाट राजस्व छलेर सामान नेपाल भित्रयाउनेहरु लाई धमाधम पक्राउ गरेको छ । नेपालगञ्जबाट अबैध रुपमा भन्सार छली गरी ल्याएका ८७ हजार रुपियाँ भन्दा बढीका कस्मेटिकका सामान बरामद गरेको छ ।
भारतबाट अबैध रुपमा भन्सार छलेर नेपाल ल्याउदै गरेका ८७ हजार ६ सय पन्ध्र रुपियाँ बराबरका कस्मेटिकका सामानहरु नेपालगञ्ज उपमहानगरपालिका वडा नम्बर १५ बाट बरामद गरेको जिल्ला प्रहरी कार्यालय बाँकेले जनाएको छ । बरामद उक्त सामान आवश्यक कारबाहीका लागि नेपालगञ्ज भन्सार कार्यालयमा पठाएको प्रहरीले जनाएको छ ।
प्रहरीले सक्रियता बढाएसंगै पछिल्लो समयमा दिनदिनै भारतबाट भन्सार छली गरी चोरी निकासी गरेर नेपाल ल्याउदै गरेका विभिन्न सामाग्रीहरु बरामद गर्दै आएको छ । तर, सामान ल्याउने अधिकांश तस्कर भने प्रहरीको फन्दामा पर्ने गरेका छैनन् ।
सामान बरामद हुनु तर तस्कर पकmाउ नपर्नुको कारण के हो भन्ने जिज्ञासा आम जनमानसमा लामो समयदेखि रहँदै आएको छ । प्रहरीले भने तस्करहर सामान छोडेर भागने गरेको जनाउँदै आएको छ ।
