ABC (क्राईमबिट)
बाँके । सशस्त्र प्रहरी बल नम्बर ३० गण बागेश्वरीबाट सशस्त्र प्रहरी सहायक निरीक्षक तिर्थ भाटको कमान्डको टोलीले भारतबाट भन्सार छली गरेर खजुरा हुँदै ल्याउँदै गरेको अवैध लत्ताकपडा पक्राउ गरेको छ । सशस्त्र प्रहरी बाँके ३० गणका एसपी अशोक बमले जानकारी दिएका छन् ।
बिशेष सूचनाका आधारमा सोमबार बिहान ४ बजे सहायक निरीक्षक भाटको कमान्डमा गएको टोलीले खजुरा गाउँपालिका वडा नम्बर ७ सिमलघारीबाट भारतबाट लुकाईछिपाई नेपालगन्ज ल्याउँदै गरिएको ५ लाख ५८ हजार रुपैयाँ बराबरको लत्ताकपडा बरामद गरेको सशस्त्र एसपी बमले बताए ।
सशस्त्र प्रहरी एसपी बमका अनुसार बरामद गरिएका अवैध लत्ताकपडामा २ लाख ८८ हजार रुपैयाँ बराबरको सुटपाइन्टको २८८ थान कपडा र २ लाख ७० हजार रुपैयाँ बराबरको ९० पिस बिवाहामा लगाउने साडी रहेका छन् ।
बरामद गरिएका सबै अवैध लत्ताकपडालाई 
आबश्यक कारबाहीको लागि नेपालगन्ज भन्सार कार्यालय बुझाइएको सशस्त्र प्रहरी एसपी बमले जानकारी दिएका छन् ।
