ABC (क्राईमबिट)
बिरगंज । जिल्ला प्रहरी कार्यालय पर्साबाट सरुवा भएर जान लाग्नु भएका प्रहरी प्रमुख (एसपी) बेल बहादुर पाण्डेलाई बुधवार विदाई गरिएको छ ।
ग्रिनसिटी सामुदायिक सेवा केन्द आदर्शनगर, ग्रिनसिटी सामुदायिक प्रहरी सेवा केन्द्र आदर्शनगर र छपकैया सामुदायिक सेवा केन्द्रले सयुँक्त रुपमा एसपी पाण्डेको विदाई गरेका हुन् ।
जिल्ला प्रहरी कार्यालय पर्साबाट प्रहरी प्रधान कार्यालय कार्य विभाग सुरक्षा व्यवस्थापन महाशाखा नक्साल काठमाण्डौमा सरूवा भएका प्रहरी उपरीक्षक पाण्डेलाई ग्रिनसिटी सामुदायिक सेवा केन्द्र आदर्शनगरमा सम्मानसहित विदाई गरिएको ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतानले जानकारी दिए ।
खेतानको अध्यक्षतामा भएको विदाई कार्यक्रममा सामुदायिक प्रहरी सेवा केन्द्र छपकैयाका अध्यक्ष ग्याँसुद्दीन ठकुराई, सामुदायिक सेवा केन्द्र छप्कैया र आदर्शनगरका पदाधिकारी, सञ्चारकर्मीसहितको उपस्थिती रहेको थियो ।
