(ABC-Sanchar)
दाङ । सभापति पदकालागि ४ जना उमेद्वार रहेकोमा हिजो भएको मतदानबाट कसैले पनि ५१ प्रतिशत मत ल्याउन नसकेका कारण धेरै मत ल्याउने २ जनामा आज मतदान हुने कार्यक्रम थियो ।
चार जना मध्य धेरै मत ल्याउने शंकरप्रसाद डाँगी र भुुपबहादुर डाँगी बीच आज फेरी चुनाब हुने कार्यतालिका रहेको थियो । तर भुपबहादुर डाँगीले उमेद्वारी फिर्ता लिदै शंकरप्रसाद डाँगी सभापतिमा निर्वाचित भएको घोषणा गर्नुभएको छ ।
नेपाली काङ्ग्रेस निर्वाचन कार्यालयलाई पत्र लेख्दै भुपबहादुर डाँगीले आफुुले पेश गरेको सभापति पदको उमेद्वारी फिर्ता लिदै सभापतिमा शंकरप्रसाद डाँगी निर्वाचित भएको जानकारी गराउनुुभएको छ ।
सभापतिका उमेद्वारहरु शंकरप्रसाद डाँगीले ७ सय ७६, भुुपबहादुर डाँगीले ५ सय ४६, जानकीलाल बस्नेतले ४ सय ७१ र कमलकिशोर घिमिरेले ३ सय १५ मत प्राप्त गर्नु भएको थियो ।
