एसएसपी यादवको मृत्यु प्रकरण घटनास्थल पुगे गृहमन्त्री खाण निष्पक्ष अनुसन्धान गर्न निर्देशन

ABC (क्राईमबिट)
भैरहवा । गृहमन्त्री बालकृष्ण खाणले संघीय इकाइ प्रहरी कार्यालय भैरहवाको निवासमै मृत अवस्थामा फेला परेका नेपाल प्रहरीका वरिष्ठ उपरीक्षक (एसएसपी) सुशील कुमार यादवका परिवारसँग भेटघाट गरेका छन् ।
शुक्रबार साँझ घटनास्थलमा पुगेर गृहमन्त्री खाणले एसएसपी यादवका परिवारसँग भेट गरि घटनाबारे जानकारी लिएका हुन् । उनले घटनाको निष्पक्ष अनुसन्धन गरी मृत्युको कारण खोज्न निर्देशन दिएका छन् ।
एसएसपी यादवको शव बिहान ११ बजेतिर झुण्डिएको अवस्थामा निवासमै भेटिएको थियो । घटनाको आठ घन्टापछि प्रहरीले घटनाको मुचुल्का गरेको थियो ।