(ABC-Sanchar)
दाङ । तुलसीपुर – सल्यान सडक खण्डमा मर्मतको काम गर्न दैनिक ८ घन्टाको दरले बन्द गरिने भएको छ ।
जिर्ण सडक निर्माण गर्न १५ दिनसम्म दैनिक ३ पटक गरि ८ घण्टा सडक खण्ड बन्द गरिने भएको छ ।
राप्ती राजमार्ग अन्तर्गत दाङको तुलसीपुर हुँदै सल्यानको प्रबेश मार्ग कपुरकोट क्षेत्रमा सडक जिर्ण बनेको छ ।
उक्त सडक खण्ड अन्तरगत चोरखोला – कपुरकोट क्षेत्रमा स्तोरउन्नतिको काम हुन लागेको हुँदा सडक खण्ड दैनिक ८ घन्टा बन्द गर्ने निर्णय भएको जिल्ला प्रशासन कार्यालय सल्यानले जानकारी दिएको छ ।
सहायक प्रमुख जिल्ला अधिकारी थमन खड्काले सार्वजनिक सूचना प्रकासित गरि आइतबार ( पुस ११ ) गतेबाट लागू हुनेगरि २५ गतेसम्म सडक दैनिक ८ घन्टा बन्द हुने जानकारी दिएका छन् ।
बिहान ७ बजेदेखि ९ बजेसम्म, बिहान ११ बजेदेखि दिउँसो ३ बजेसम्म र साँझ ५ बजेदेखि ७ बजेसम्म सडक बन्द हुने जानकारी दिइएको छ ।
यो अवधिमा अत्यावश्यक सवारी साधनले वैकल्पिक रुट कपुरकोट–पैंयाखोर डाइभर्सन रुट प्रयोग गर्न सक्ने समेत खड्काले बताएका छन् ।
