बर्षा र हिमपात चिसो अत्याधिक बढ्यौं

(ABC-Sanchar)
डडेल्धुरा । सुदूरपश्चिम प्रदेशको पहाडी जिल्लामा हिमपात सुरु भएको छ । प्रदेशका बिभिन्न जिल्लाका बिभिन्न स्थानमा बुधबार बिहानैदेखि हिमपात भएपनि डडेल्धुरा सदरमुकाममा भने बेलुकाबाट वर्षासंगै हिमपात सुरु भएको हो ।
डडेल्धुरासहित घना जंगल र उच्च पहाडी भेगमा हिमपात भएपछि यहाँ अत्याधिक चिसो बढेको छ ।
डडेल्धुरा लगायत बैतडी, डोटी, बझाङ, बाजुरा र दार्चुलाका उच्च लेकाली भेगमा हिमपात भएसंगै चिसो बढेको हो ।
यता, कैलालीमा भने रातिदेखि सिमसिम बर्षा भइरहेको छ । वर्षासंगै यहाँ पनि चिसो अत्याधिक बढेको छ ।
पश्चिमी न्यून चापीय प्रणालीको प्रभावका कारण काठमाडौंसहित देशभर पानी परेको छ भने उच्च पहाडी तथा हिमाली जिल्लामा हिमपात भएको बताइएको छ ।