ABC (क्राईमबिट)
सर्लाही । पोखराबाट विराटनगरतर्फ जाँदै गरेको ना ५ ख ५०५५ नम्बरको अग्नी यातायात पूर्व–पश्चिम राजमार्गअन्तर्गत सर्लाहीको हरिवन नगरपालिका–९ नोचामा पल्टिएको हो ।
गुडिरहेको बस एक्कासी पल्टिएर राजमार्गभन्दा तल पुगेको जिल्ला ट्राफिक प्रहरी कार्यालयका प्रमुख केदारमान दोङले बताए । दोङका अनुसार ब्रेक लगाएको अवस्थामा बस पल्टिएको हो ।
बसमा रहेका सबै घाइते भएका हुन् । उनीहरुको उपचारका लागि अस्पताल पुर्याएको प्रहरी निरीक्षक दोङले बताए । उनका अनुसार घटनाको विस्तृत विवरण संकलनको काम भइरहेको छ ।
इलाका प्रहरी कार्यालय हरिवनका प्रहरी निरीक्षक भूपेन्द्र गिरीले बसका चालक फरार रहेकाले दुर्घटनाको कारण खुल्न नसकेको जानकारी दिए । ‘बस दुर्घटनामा परेको खबर पाएलगत्तै हाम्रो टोली घटनास्थलमा पुगेर घाइतेको उद्धार गरेर अस्पताल पुर्याएका छौं, बसमा सवार सबै घाइते छन्,’ उनले भने, ‘दुर्घटनाको कारणबारे पत्ता लगाउने प्रयास भइरहेको छ ।’
घाइतेहरुको हरिवनस्थित नमुना अस्पताललगायत स्वास्थ्य केन्द्रहरुमा उपचार भइरहेको प्रहरी निरीक्षक गिरीले बताए ।
