ABC (क्राईमबिट)
काठमाडौं । लागूऔषध गाँजासहित काभ्रेको बनेपा नगरपालिका-१२ बाँसडोलका सञ्जय तामाङलाई प्रहरीले पक्राउ गरेको छ ।
तामाङलाई जिल्ला प्रहरी कार्यालय काभ्रेको विशेष टोलीले मंगलबार ७ किलो ७ सय ९५ ग्राम गाँजासहित पक्राउ गरेको हो ।
तामाङले घर कोठाभित्र खाट मुनी उक्त गाँजा लुकाई राखेका थिए । बाँसडोल क्षेत्रमा लागूऔषध सेवनकर्ताहरु दिन प्रतिदिन बढदै गएको भन्ने स्थानियहरुको गुनासोपछि उक्त क्षेत्रमा प्रहरीले निगारनी गर्दै आएको जिल्ला प्रहरी कार्यालय काभ्रेका सूचना अधिकारी प्रहरी उपरीक्षक हरि खतिवडाले जानकारी दिए । उनका अनुसार प्रहरीको निगरानीपछि ईलाका प्रहरी कार्यालय बनेपाको टोलीले सञ्जयलाई पक्राउ गरेको हो ।
पक्राउ परेका तामाङलाई लागूऔषध गाँजा मुद्दामा जिल्ला अदालत काभ्रेबाट म्याद थप अनुमती लिई आवश्यक अनुसन्धान भईरहेको जिल्ला प्रहरी कार्यालय काभ्रेले जनाएको छ ।
