(महेन्द्र सिंह)
बाँके । नेपालगन्ज उपमहानगरपालिकाको बजार क्षेत्रमा जथाभाबि पार्किङ गरी राखेका मोटरसाईकल ठेलागाडालाई जिल्ला ट्राफ्रिक प्रहरी कार्यालय बाँकेले थप ब्यबस्थित गरेको छ ।
नेपालगन्ज बजारको बिभिन्न स्थानहरुमा जथाभाबी पार्किङ गरि राखेका सवारी साधन मोटरसाईकल स्कुटी अटो, ठेलागाडाहरुलाई जिल्ला ट्राफ्रिक प्रहरी कार्यालय बाँके कोहलपुर र नेपालगन्ज ट्राफिकले निश्चित स्थानमा पार्किङ गर्न लगाउँदै ब्यवस्थित गर्दै आएको जिल्ला ट्राफ्रिक प्रहरी कार्यालयका बाँकेका ट्राफिक प्रमुख प्रहरी निरीक्षक हिमालय शाहले बताएका छन । विशेष गरि नेपालगन्जको बजार क्षेत्र जस्तै त्रिभुवन चोक, सदरलाईन, त्रिबेणीमोडमा एकलैनी अव्यवस्थित रुपमा पार्किङ गरि सवारीसाधान राखिने गरिएको हुन्छ । 
पछिल्लो समयमा नेपालगन्ज ट्राफ्रिक प्रहरी कार्यालयले जनचेतना मुलक अभियानहरुमा पनि सक्रिय भुमिका निभाएको छ । गतसाता ट्राफ्रिक प्रहरी कार्यालय नेपालगन्जले मास्क वितरण, सरसफाई अभियान लगायतका कार्य गर्दै आएको छ । सडक दुर्घटना न्युनिकरण गर्न ट्राफ्रिक प्रहरीले सवारी चेकजाँचमा कडाई, साथै जनचेतना मुलक अभियान, प्रशिक्षण जस्ता कार्य गर्दै आएको नेपालगन्ज ट्राफिक प्रमुख लक्ष्मण एरले जानकारी दिनुभएको छ ।
