ABC (क्राईमबिट)
काठमाडौं । ट्राफिक व्यवस्थापन र विमानस्थलको सुरक्षा व्यवस्थापन थप चुनौतिपूर्ण बन्दै गएकाले डीआईजी खटाउनुपर्ने गृह मन्त्रालयको निष्कर्ष छ ।
दुवै ठाउँमा २०७४ सम्म डीआईजीको दरबन्दी थियो । केपी शर्मा ओली नेतृत्वको सरकारले डीआईजीको संख्या घटाएर दुवै ठाउँमा प्रहरी वरिष्ठ उपरिक्षक (एसएसपी) खटाउने निर्णय गरेको थियो ।
विमानस्थल र ट्राफिक महाशाखामा डीआईजी खटाउन खोजेको गृहमन्त्री बालकृष्ण खाणले बताए । मन्त्रालयमा सञ्चारकर्मीहरूसँग कुरा गर्दै मन्त्री खाणले भने– ‘विमानस्थलमा पनि चुनौती बढेको छ, ट्राफिक व्यवस्थापन पनि चुस्त बनाउनुपर्ने छ, त्यसैले त्यहाँ डीआईजी राख्न खोजेका छौं ।’
सरकारले प्रहरी अतिरिक्त महानिरीक्षक (एआईजी)को ३ वटा दरबन्दी थप्ने तयारी गरिरहेको छ ।
